ՄԱՐԳԱՐԵՏ ԹԵՏՉԵՐԻ ՈՐԴՈՒՆ ՍՊԱՌՆՈՒՄ Է 30 ՏԱՐՎԱ ԲԱՆՏԱՐԿՈՒԹՅՈՒՆ
28-03-2008 18:45:00 | | Միջազգային
ԼՈՆԴՈՆ, 28 ՄԱՐՏԻ, ՆՈՅՅԱՆ ՏԱՊԱՆ: Բրիտանիայի նախկին վարչապետ
Մարգարետ Թետչերի որդուն` Մարկ Թետչերին, սպառնում է 30-ամյա
բանտարկություն` 2004 թվականին նավթով հարուստ Հասարակածային
Գվինեայում հեղաշրջման փորձի կազմակերպմանը մասնակցելու համար:
Ինչպես գրում է «Թելեգրաֆ» թերթը` վկայակոչելով Հասարակածային
Գվինեայի գլխավոր դատախազ Խոսե Օլո Օբոնոյին, աֆրիկյան այդ երկրի
իշխանությունները մտադիր են շարունակել Մարկ Թետչերին «հետապնդել»:
Ներկայումս Թետչերը ապրում է Իսպանիայում: Գվինեայի
իշխանությունները մտադիր են հասնել նրա էքստրադիցիային
Հասարակածային Գվինեա:
Մարկ Թետչերը ժխտում է իր մասնակցությունը Հասարակածային
Գվինեայում 2004 թվականին հեղաշրջման փորձի կազմակերպմանն ու
ֆինանսավորմանը: