ՎԱՇԻՆԳՏՈՆ, 26 ՄԱՐՏԻ, ՆՈՅՅԱՆ ՏԱՊԱՆ: Պենտագոնը խոստովանել է, որ սխալմամբ Տայվան է ուղարկել «Մինիթմեն» միջմայրցամաքային բալիստիկ հրթիռների էլեկտրական բռնկիչներ: Ինչպես նշել է ԱՄՆ-ի ՌՕՈՒ նախարար Մայքլ Ուիննը, չորս բռնկիչներ, որոնք ՄԲՀ ցռուկային շրջահոսիչների բաղադրամասեր են, վերադարձվել են ԱՄՆ: Դրանք կղզի էին ուղարկվել ուղղաթիռների կուտակիչային մարտկոցների փոխարեն: Պենտագոնի ղեկավար Ռոբերտ Գեյթսը կարգադրել է ներքին հետաքննություն անցկացնել: Սա երկրորդ միջադեպն է կես տարում Միացյալ Նահանգների միջուկային զինանոցին առնչվող: Դիտորդների կարծիքով, ԱՄՆ-ին սպառնում են միջուկային զենքի տարածման լուրջ մեղադրանքներ:

---