ԻՐԱՔՈՒՄ ՀՐԹԻՌԱԿՈԾՈՒԹՅԱՆ ՀԵՏԵՎԱՆՔՈՎ ԶՈՀՎԵԼ Է ԱՄԵՐԻԿԱՑԻ
ԴԻՎԱՆԱԳԵՏ
26-03-2008 18:20:00 | Իրաք | Միջազգային
ԲԱՂԴԱԴ, 26 ՄԱՐՏԻ, ՆՈՅՅԱՆ ՏԱՊԱՆ: Բաղդադում ամերիկյան
դեսպանության աշխատակիցը վախճանվել է «Կանաչ գոտու»
հրթիռակոծության հետեւանքով ստացած վերքերից, հաղորդում է
«Վզգլյադ» թերթը:
Ինչպես հայտնել են ԱՄՆ-ի դեսպանությունում, 56-ամյա դիվանագետ
Պոլ Կոնվերսը ֆինանսական վերլուծաբան էր:
Անցած կիրակի Բաղդադի «Կանաչ գոտին», հատուկ պահպանվող
տարածք, որտեղ տեղավորված են կառավարական հաստատություններն ու
դեսպանատները, երկու անգամ ենթարկվել էր հրթիռակոծության:
Նախընթաց նման միջադեպերի պատասխանատվությունը Իրաքի
ամերիկյան զինվորական հրամանատարությունը դրել էր «Մահդիի բանակ»
շիա արմատական խմբավորման վրա: