ԵՎՐԱՄԻՈՒԹՅՈՒՆԸ ՀՆԱՐԱՎՈՐ Է ԲՈՅԿՈՏԻ ՊԵԿԻՆԻ ՕԼԻՄՊԻԱԴԱՆ
25-03-2008 16:55:00 | Բելգիա | Միջազգային
ԲՐՅՈՒՍԵԼ, 25 ՄԱՐՏԻ, ՆՈՅՅԱՆ ՏԱՊԱՆ: Եվրախորհրդարանի նախագահ
Հանս-Գերտ Պոտտերինգը չի բացառել Պեկինի Օլիմպիական խաղերը
բոյկոտելու հնարավորությունը Եվրամիության կողմից, եթե Չինաստանի
իշխանությունները չկարգավորեն Տիբեթի հուզումների հետ կապված
լարված իրադրությունը:
«Եթե փոխզիջման ուղղությամբ ազդանշաններ չլինեն, ես
արդարացված եմ համարում բոյկոտի միջոցները»,- ասել է նա գերմանական
Bild am Sonntag թերթին:
«Մենք չպետք է բացառենք Պեկինի Օլիմպիական խաղերը բոյկոտելու
հնարավորությունը: Մենք ուզում ենք, որպեսզի դրանք լինեն հաջող,
բայց ոչ տիբեթցիների մշակութային ցեղասպանության գնով»,- ավելացրել
է Պոտտերինգը:
Լհասայում մարտի 10-ին հուզումներ սկսվեցին Տիբեթի
մայրաքաղաքում ապստամբության 49-րդ տարելիցին նվիրված ցույցերի
ժամանակ, որն ավարտվել էր Դալայ-լամայի արտաքսմամբ: Ըստ պաշտոնական
տվյալների, զոհվել են առնվազն 18 խաղաղ բնակիչներ եւ մեկ ոստիկան:
Դալայ-լամայի կողմնակիցները հաղորդել են նվազագույնը 100 մարդու
մահվան մասին: