ՍԱԴԱՄ ՀՈՒՍԵՅՆԻ ՈՐԴԻՆ ԱՀԱԲԵԿՈՒԹՅՈՒՆ ԷՐ ՆԱԽԱՊԱՏՐԱՍՏՈՒՄ
ԼՈՆԴՈՆՈՒՄ
24-03-2008 20:06:00 | | Միջազգային
ԼՈՆԴՈՆ, 24 ՄԱՐՏԻ, ՆՈՅՅԱՆ ՏԱՊԱՆ: Սադամ Հուսեյնի որդի Ուդեյը
2000 թվականին ապրիլին ծրագրել էր իրաքյան ընդդիմության առաջնորդի
մահափորձը Լոնդոնում:
Ինչպես հաղորդում է բրիտանական «Թայմս» պարբերականը
վկայակոչելով Պենտագոնի հաշվետվությունը, Ուդեյը ահաբեկիչների հետ
դավադրության մեջ է մտել Իրաքյան ազգային կոնգրեսի ղեկավար Ահմեդ
Չալաբիի սպանության նպատակով, որն այդ ժամանակ ապրում էր Մեծ
Բրիտանիայում:
Ուդեյը սպանության իրականացման ցուցումներ է տվել
գրոհայիններին 1999 թվականին: Հրամանի համաձայն, 10 լավագույն
գրոհայիններ ամեն գնով պետք է իրականացնեին սպանությունը:
Բացահայտման դեպքում, նրանց պարտադրաբար հանձնարարվել է
ինքնասպանություն գործել:
Սակայն մտադրությունը տապալվել է այն պատճառով, որ խմբավորման
ակտիվիստները չեն կարողացել Մեծ Բրիտանիայի վիզաներ ստանալ: