ՊԱՂԵՍՏԻՆՅԱՆ ՖԱԹՀ ԵՎ ՀԱՄԱՍ ՇԱՐԺՈՒՄՆԵՐԸ ՍՏՈՐԱԳՐԵԼ ԵՆ
ԵՐԿԽՈՍՈՒԹՅՈՒՆ ՍԿՍԵԼՈՒ ՄԱՍԻՆ ՀԱՅՏԱՐԱՐԱԳԻՐ
24-03-2008 19:31:00 | Եմեն | Միջազգային
ՍԱՆԱ, 24 ՄԱՐՏԻ, ՆՈՅՅԱՆ ՏԱՊԱՆ: Պաղեստինյան ՖԱԹՀ եւ ՀԱՄԱՍ
շարժումները ստորագրել են «Սանայի հայտարարագիրը» հաշտարար
երկխոսություն սկսելու մասին` Եմենի նախագահ Ալի Աբդալլա Սալեհի
նախաձեռնության հիմքի վրա: Այս մասին հայտնել է Եմենի ԱԳՆ ղեկավար
Աբու Բաքր ալ-Կուրբին:
Ինչպես արդեն հայտարարել են ՀԱՄԱՍ-ի ներկայացուցիչները,
հակամարտող խմբավորումների ներկայացուցիչների միջեւ առաջին ուղիղ
հանդիպումը կկայանա ապրիլի 5-ին պաղեստինյան տարածքներում:
Հաշտության արդյունքը պետք է լինի ազգային միասնության
կառավարության ձեւավորումը, որի մեջ կմտնեն պաղեստինյան բոլոր
խմբակցությունների ներկայացուցիչները, եւ անվտանգության ուժերի
վերստեղծումը ազգային հիմքի վրա, այլ ոչ թե ըստ այս կամ այն
խմբակցության պատկանելության: