ՖՐԱՆՍԻԱՆ ԱՄՆ-ԻՆ ԱՌԱՋԱՐԿԵԼ Է ՎԱՎԵՐԱՑՆԵԼ ՄԻՋՈՒԿԱՅԻՆ
ՓՈՐՁԱՐԿՈՒՄՆԵՐԻ ԼՐԻՎ ԱՐԳԵԼՄԱՆ ՄԱՍԻՆ ՊԱՅՄԱՆԱԳԻՐԸ
21-03-2008 19:05:00 | Ֆրանսիա | Միջազգային
ՓԱՐԻԶ, 21 ՄԱՐՏԻ, ՆՈՅՅԱՆ ՏԱՊԱՆ: Ֆրանսիան կոչ է անում ԱՄՆ-ին
եւ Չինաստանին վավերացնել միջուկային փորձարկումների լիակատար
արգելման մասին պայմանագիրը: Այս մասին, ինչպես հաղորդում է
ԻՏԱՌ-ՏԱՍՍ-ը, այսօր հայտարարել է Ֆրանսիայի նախագահ Նիկոլա
Սարկոզին:
«Միացյալ Նահանգները միջուկային փորձարկումների համապարփակ
արգելման մասին այդ պայմանագիրը ստորագրել է 1996 թվականին:
Ժամանակն է վավերացնել այն»,- նկատել է նա:
Ֆրանսիայի նախագահ Նիկոլա Սարկոզին նաեւ կոչ է արել
բանակցություններ սկսել փոքր եւ միջին հեռահարության երկիր-երկիր
հրթիռների արգելման մասին: