ՊՐԻՄՈՐԻԵՈՒՄ ԱՂԵՏԻ Է ԵՆԹԱՐԿՎԵԼ ՍՈՒ-25 ԳՐՈՀԱՅԻՆ ԻՆՔՆԱԹԻՌԸ
20-03-2008 16:26:00 | Ռուսաստան | Միջազգային
ՄՈՍԿՎԱ, 20 ՄԱՐՏԻ, ՆՈՅՅԱՆ ՏԱՊԱՆ: Պրիմորիեում ուսումնական
թռիչք իրականացնելու ժամանակ աղետի է ենթարկվել Ռուսաստանի
ռազմաօդային ուժերի Սու-25 գրոհային ինքնաթիռը:
«Ինքնաթիռի օդաչուն զոհվել է, այլ զոհեր եւ ավերածություններ
չկան»,- հայտնել է ՌՕՈՒ լրատվության եւ հասարակական կապերի
ծառայության պետ գնդապետ Ալեքսանդր Դրոբիշեւսկին:
Ըստ նրա, «ՌՕՈՒ գլխավոր հրամանատարի որոշմամբ Սու-25
ինքնաթիռների թռիչքները ժամանակավորապես դադարեցվել են»:
Նախնական տվյալներով, մարտական հրաձգություն կատարելու
ժամանակ չի գործել ավիացիոն տեխնիկան` հանգեցնելով աղետի: