ՊԱԿԻՍՏԱՆԻ ԽՈՐՀՐԴԱՐԱՆԸ ԱՌԱՋԻՆ ԱՆԳԱՄ ԳԼԽԱՎՈՐԵԼ Է ԿԻՆ
19-03-2008 18:21:00 | | Միջազգային
ԻՍԼԱՄԱԲԱԴ, 19 ՄԱՐՏԻ, ՆՈՅՅԱՆ ՏԱՊԱՆ: Պակիստանի Ազգային
վեհաժողովի խոսնակ է ընտրվել Ֆեհմիդա Միրզան, որը ներկայացնում է
Պակիստանի ժողովրդական կուսակցությունը (ՊԺԿ): Վերջինս մինչեւ իր
մահը գլխավորում էր Բենազիր Բհուտտոն, հաղորդում է Associated
Press-ը:
51-ամյա Ֆահմիդա Միրզան հաջողակ գործարար կին է եւ արդեն
երրորդ անգամ է ընտրվում պակիստանյան խորհրդարան:
Պակիստանում խորհրդարանի` Ազգային վեհաժողովի ստորին պալատի
համընդհանուր ընտրությունները կայացան փետրվարի 18-ին:
Ընտրությունների արդյունքում պատգամավորական տեղերի մեծ մասը բաժին
ընկավ երկու խոշորագույն ընդդիմադիր կուսակցություններին` ՊԺԿ-ին
եւ նախկին վարչապետ Նավազ Շարիֆի Մուսուլմանական լիգա
կուսակցությանը (ՄԼԿ): Իսկ նախագահամետ «Կաիդի Ազամ»
մուսուլմանական լիգան ստացավ ընդամենը 42 տեղ: