ՊՐԻՇՏԻՆԱ, 19 ՄԱՐՏԻ, ՆՈՅՅԱՆ ՏԱՊԱՆ: Տասներեք մարդ է վիրավորվել փոխհրաձգության հետեւանքով, որ երեքշաբթի երեկոյան տեղի է ունեցել Կոսովոյի մայրաքաղաք Պրիշտինայում, հաղորդում է «Նովոստի» գործակալությունը: Միջադեպը տեղի է ունեցել քաղաքի կենտրոնից ոչ հեռու` Դարդանիա թաղամասում: Ոստիկանության տվյալներով, հակամարտության պատճառը եղել է հարաբերությունների պարզումը տեղի քրեական խմբավորումների միջեւ: Իրավակարգի պահապաններին հաջողվել է ձերբակալել չորս անձի փոխհրաձգությանը մասնակցելու կասկածանքով, եւս մեկը հրազենային վերքով ուղարկվել է հիվանդանոց: Կատարվածի հանգամանքները պարզվում են:

---