ՊԵՆՏԱԳՈՆԸ ՀԱՅՏԱՐԱՐԵԼ Է ԲԵՆ ԼԱԴԵՆԻ ՄԵՐՁԱՎՈՐ ՕԳՆԱԿԱՆՆԵՐԻՑ
ՄԵԿԻՆ ԲՌՆԵԼՈՒ ՄԱՍԻՆ
17-03-2008 18:50:00 | ԱՄՆ | Միջազգային
ՎԱՇԻՆԳՏՈՆ, 17 ՄԱՐՏԻ, ՆՈՅՅԱՆ ՏԱՊԱՆ: Պենտագոնը հայտարարել է
«Ալ Ղաիդա» ահաբեկչական խմբավորման պարագլուխներից մեկին
ձերբակալելու մասին, որն օգնել էր Ուսամա բեն Լադենին 2001
թվականին փախչել Աֆղանստանից:
Պաշտպանության նախարարության պաշտոնական ներկայացուցիչ Բրայան
Ուիտմենը չի ճշտել, թե որտեղ եւ երբ է ձերբակալվել բեն Լադենի
մերձավոր օգնականներից Մոհամմադ Ռահիմը:
Ըստ Ուիտմենի, Ռահիմը Պենտագոնին է հանձնվել անցած շաբաթվա
սկզբին ԿՀՎ աշխատակիցների կողմից եւ այժմ գտնվում է ԱՄՆ-ի
ռազմածովային ուժերի Գուանտանամոյի ռազմակայանի հատուկ բանտում: