ԿՈՆԴՈԼԻԶԱ ՌԱՅՍԸ ԵՎ ՌՈԲԵՐՏ ԳԵՅԹՍԸ ԱՅՑՈՎ ԺԱՄԱՆՈՒՄ ԵՆ ՄՈՍԿՎԱ
17-03-2008 15:57:00 | Ռուսաստան | Միջազգային
ՄՈՍԿՎԱ, 17 ՄԱՐՏԻ, ՆՈՅՅԱՆ ՏԱՊԱՆ: ԱՄՆ-ի պետքարտուղար
Կոնդոլիզա Ռայսը եւ պաշտպանության նախարար Ռոբերտ Գեյթսը
երկուշաբթի ժամանում են Մոսկվա ռուս գործընկերների` Ռուսաստանի ԱԳՆ
ղեկավար Սերգեյ Լավրովի եւ պաշտպանության նախարար Անատոլի
Սերդյուկովի հետ քննարկելու միջազգային անվտանգության ապահովման
հետ կապված հարցեր, հաղորդում է «Նովոստի» գործակալությունը:
Թեմաների թվում, որոնց մասին խոսք կլինի Մոսկվայի
բանակցություններում, հակահրթիռային պաշտպանության հարցերն են,
հարձակողական սպառազինությունների կրճատման եւ Եվրոպայի սովորական
զինված ուժերի մասին պայմանագրերի ապագան: