ԱՄՆ-Ի ՊԵՏԴԵՊ. ԿՈՍՈՎՈՅԻ ԱՆԿԱԽՈՒԹՅԱՆ ՃԱՆԱՉՈՒՄԸ ՎԱՇԻՆԳՏՈՆԻ
ԿՈՂՄԻՑ ԲԱՑԱՌՈՒԹՅՈՒՆ Է
13-03-2008 16:54:00 | ԱՄՆ | Միջազգային
ՎԱՇԻՆԳՏՈՆ, 13 ՄԱՐՏԻ, ՆՈՅՅԱՆ ՏԱՊԱՆ: Սերբական Կոսովո
երկրամասի ինքնիշխանության ճանաչումը Միացյալ Նահանգների կողմից,
որը միակողմանի կարգով Բելգրադից անկախություն է հռչակել,
«նշանակալի չափով բացառություն է»: Դա հաստատել է Եվրոպայի եւ
Եվրասիայի հարցերով ԱՄՆ-ի պետքարտուղարի օգնական Դենիել Ֆրիդը,
հաղորդում է ԻՏԱՌ-ՏԱՍՍ-ը:
ԱՄՆ-ի Կոնգրեսի Ներկայացուցիչների պալատի արտաքին գործերի
հանձնաժողովում կայացած ունկնդրումների ժամանակ իր ելույթում նա
ընդունել է, որ ամերիկյան կառավարության տեսանկյունից
«անջատողականությանն աջակցելը ամբողջությամբ վերցրած լավ գաղափար
չէ»:
Միաժամանակ ԱՄՆ-ի արտաքին քաղաքական գերատեսչության
աշխատակիցը հերթական անգամ պնդել է, որ Կոսովոյի իրադրությունը
«նախադեպ չի ստեղծում»: Կոսովոն «Միավորված ազգերի կառավարման
ներքո «առկախ» վիճակում» պահելը, Բուշի վարչակազմի կարծիքով,
ինչպես նա մի անգամ չի ասել նախկինում, «չէր կարող շարունակվել
անորոշ երկար»,- հայտարարել է ամերիկացի դիվանագետը: