ԲՐՅՈՒՍԵԼՈՒՄ ԱՇԽԱՏԱՆՔՆ Է ՍԿՍՈՒՄ ԵՎՐԱՄԻՈՒԹՅԱՆ ԳԱՐՆԱՆԱՅԻՆ
ԳԱԳԱԹՆԱԺՈՂՈՎԸ
13-03-2008 16:50:00 | Բելգիա | Միջազգային
ԲՐՅՈՒՍԵԼ, 13 ՄԱՐՏԻ, ՆՈՅՅԱՆ ՏԱՊԱՆ: Հինգշաբթի Բրյուսելում
բացվում է Եվրոպական միության հերթական գարնանային գագաթնաժողովը:
Երկօրյա գագաթնաժողովի մասնակիցները կքննարկեն Կոսովոյի
խնդիրը, էներգաանվտանգության, Եվրամիության սոցիալական
քաղաքականության հարցերը, ինչպես նաեւ կլիմայի գլոբալ փոփոխման
հետեւանքները:
ԵՄ 27 երկրների պետությունների եւ կառավարությունների
ղեկավարները առաջին անգամ Կոսովոյի անկախության միակողմանի
հռչակումից հետո կարծիքներ կփոխանակեն երկրամասի իրադրության եւ
այսպես կոչված եվրոպական քաղաքացիական առաքելություն` EULex,
ծավալելու Եվրամիության ծրագրերի վերաբերյալ:
Գագաթնաժողովում տեղի կունենա նաեւ ԵՄ Լիսաբոնյան
ռազմավարության իրականացման ընթացքի եւ նրա նոր փուլի մեկնարկի
նախապատրաստության մանրակրկիտ քննարկում: Լիսաբոնյան
ռազմավարությունը Եվրամիության հիմնային սոցիալական փաստաթուղթն է,
որ սահմանում է այդ կազմակերպության պարտավորությունները ցածր
գործազրկության եւ համայնքի անդամ երկրներում բարձր կենսամակարդակի
ապահովման ուղղությամբ: