ՓԱՐԻԶ, 12 ՄԱՐՏԻ, ՆՈՅՅԱՆ ՏԱՊԱՆ: Ֆրանսիայի ներքին գործերի
նախկին նախարար Շարլ Պասկուան չորեքշաբթի Փարիզի դատարանի կողմից
դատապարտվել է մեկուկես տարվա պայմանական ազատազրկման: Այս մասին
հաղորդում է «Վզգլյադ» թերթը` վկայակոչելով «Ֆրանսպրեսին»:
80-ամյա Պասկուան մեղավոր է ճանաչվել նրանում, որ
Եվրոխորհրդարանում իր ընտրվելու քարոզարշավի ֆինանսավորման համար
օգտագործել է Աննեմաս քաղաքում գտնվող խաղատան վաճառքի արդյունքում
ստացված 1,143 մլն եվրոն, որին նա, նախարար եղած ժամանակ,
տնտեսական գործունեության արտոնություն էր տվել 1994 թվականին:
«Ըստ ամենայնի մենք վերաքննիչ բողոք կներկայացնենք: Պարոն
Պասկուան մտադիր է օգտագործել բոլոր իրավական միջոցները, այդ թվում
Մարդու իրավունքների եվրոպական դատարանը, իր արժանապատվությունը
պաշտպանելու համար»,- հայտարարել է քաղաքական գործչի փաստաբան Լեֆ
Ֆոստերը: