ԵԳԻՊՏՈՍԻ ԿԱՆԱՅՔ ԱՌԱՋԻՆ ԱՆԳԱՄ ԿԿԱՐՈՂԱՆԱՆ ԱՎՏՈԲՈՒՍԻ ՎԱՐՈՐԴ
ԱՇԽԱՏԵԼ
12-03-2008 17:56:00 | Եգիպտոս | Միջազգային
ԿԱՀԻՐԵ, 12 ՄԱՐՏԻ, ՆՈՅՅԱՆ ՏԱՊԱՆ: Եգիպտոսի հասարակական
տրանսպորտի վարչությունը երկրի պատմության մեջ առաջին անգամ որոշել
է կանանց վարձել ավտոբուսի վարորդների պաշտոնի համար, հաղորդում են
տեղի ԶԼՄ-ները:
Ինչպես պարզաբանել է վարչության ղեկավար Սալահ Ֆարաղը,
պետական ավտոբուսային հավաքակայանները վերջին ժամանակներս կադրերի
լուրջ պակաս են զգում: Հասարակական տրանսպորտում կադրային սովի
պատճառը շատ վարորդների տեղափոխվելն է մասնավոր տրանսպորտային կամ
տուրիստական ֆիրմաներ, որտեղ աշխատավարձը անհամեմատ բարձր է, քան
պետական ձեռնարկություններում:
Միայն Կահիրում վարորդներ չլինելու պատճառով սովորական
երթուղիներ դուրս չեն գալիս մոտ 150 ավտոբուսներ: