ԲԵԼՈՌՈՒՍԻԱՅՈՒՄ ԱՄՆ-Ի ԴԵՍՊԱՆԸ ԵՏ Է ԿԱՆՉՎԵԼ ՎԱՇԻՆԳՏՈՆ
12-03-2008 17:44:00 | Բելոռուս | Միջազգային
ՄԻՆՍԿ, 12 ՄԱՐՏԻ, ՆՈՅՅԱՆ ՏԱՊԱՆ: ԱՄՆ-ը որոշում է ընդունել
Բելոռուսիայից ետ կանչել իր դեսպան Քարեն Ստյուարտին «կարճատեւ
կոնսուլտացիաների» համար: Այս մասին, ինչպես հաղորդում է
ԻՏԱՌ-ՏԱՍՍ-ը, ամերիկացի դիվանագետը այսօր հայտնել է Բելոռուսիայի
միավորված ժողովրդավարական ուժերի ներկայացուցիչների հետ հանդիպման
ժամանակ:
«Քարեն Ստյուարտն ըստ որում կպահպանի Բելոռուսիայում դեսպանի
կարգավիճակը, սակայն մի քանի շաբաթ ինտենսիվ կաշխատի
Վաշինգտոնում»,- հայտնել է Բելոռուսիայի սոցիալ-դեմոկրատական
կուսակցության փոխնախագահ Իգոր Ռինկեւիչը:
ԱՄՆ-ում Բելոռուսիայի դեսպան Միխայիլ Խվոստովը մարտի 7-ին ետ
էր կանչվել Վաշինգտոնից «Բելնեֆտեխիմ» կոնցեռնի նկատմամբ ԱՄՆ-ի
կողմից լրացուցիչ պատժամիջոցներ սահմանելու հետ կապված
խորհրդակցությունների համար: Բելոռուսիայի ԱԳՆ-ն խորհուրդ էր տվել
Բելոռուսիայում ԱՄՆ-ի դեսպանին նույն նպատակով հեռանալ երկրից: