ԴԵՆԻԵԼ ՖՐԻԴ. ՈՒԿՐԱԻՆԱՆ ԵՎ ՎՐԱՍՏԱՆԸ ԴԵՌ ՊԱՏՐԱՍՏ ՉԵՆ ՆԱՏՕ-Ի
ԱՆԴԱՄՈՒԹՅԱՆԸ
12-03-2008 17:18:00 | ԱՄՆ | Միջազգային
ՎԱՇԻՆԳՏՈՆ, 12 ՄԱՐՏԻ, ՆՈՅՅԱՆ ՏԱՊԱՆ: «Ուկրաինան եւ Վրաստանը
ՆԱՏՕ-ի անդամությանը հենց հիմա պատրաստ չեն, ինչը նրանք եւս
գիտակցում են: Բայց մենք կարող ենք օգնել նրանց նախապատրաստվելու:
Ժամանակային շրջանակների որոշումը կլինի Դաշինքի Բուխարեստի
գագաթնաժողովի առանցքային հարցը»: Այս մասին ամերիկյան սենատում
ունկնդրումների ժամանակ իր ելույթում ասել է ԱՄՆ-ի պետքարտուղարի
Եվրոպայի եւ Եվրասիայի գործերով օգնական Դենիել Ֆրիդը:
Ի պատասխան սենատորներից մեկի այն հարցին, թե ինչ են մտածում
այդ հաշվով Դաշինքի անդամները, Ֆրիդը նկատել է. «Տարբեր երկրներ
տարբեր հայացքներ ունեն, եւ բանավեճը շարունակվում է: Մենք
աշխատում ենք մեր դաշնակիցների հետ»: Ըստ նրա, որոշում ընդունելիս
չափանիշը Ուկրաինայի, Վրաստանի եւ ՆԱՏՕ-ի շահերն են, այլ ոչ թե
«դրսի ճնշումը»: Ֆրիդն ընդգծել է, որ «բանավեճերը շարունակվում են,
եւ դա հասարակ իրավական հարց չէ»: