ՊԱԿԻՍՏԱՆՈՒՄ ՊԱՅԹՅՈՒՆՆԵՐԻՑ ԶՈՀՎԱԾՆԵՐԻ ԹԻՎԸ ՀԱՍԵԼ Է 20 ՄԱՐԴՈՒ
11-03-2008 16:25:00 | | Միջազգային
ԻՍԼԱՄԱԲԱԴ, 11 ՄԱՐՏԻ, ՆՈՅՅԱՆ ՏԱՊԱՆ: Պակիստանում տեղի ունեցած
երկու պայթյուններից զոհվածների թիվը հասել է 20-ի, հաղորդում են
տեղի ԶԼՄ-ները:
Տասնվեց մարդ զոհվել է Լահորում հետաքննությունների դաշնային
բյուրոյի շենքի անմիջական հարեւանությամբ հզոր պայթյունի
հետեւանքով: Շենքի մի մասը փլվել է: Տասնյակ վիրավորներ տեղափոխվել
են Լահորի հիվանդանոցները: Նրանցից շատերը գտնվում են ճգնաժամային
վիճակում:
Հետաքննության նախնական տվյալներով, պայթյունն իրականացրել է
մահապարտ ահաբեկիչը, ականապատ ավտոմեքենայով ներխուժելով
հաստատության տարածքը:
Քաղաքի մեկ այլ շրջանում պայթյունի հետեւանքով չորս մարդ է
զոհվել, որ իրականացվել է, ինչպես ենթադրում են, երկու մահապարտ
ահաբեկիչների կողմից, որոնք ականապատված միկրոավտոբուսով մտել են
մասնավոր տան բակը: