ԲԵՅՐՈՒԹ, 10 ՄԱՐՏԻ, ՆՈՅՅԱՆ ՏԱՊԱՆ: Լիբանանի նախագահական ընտրությունները հետաձգվում են արդեն 16-րդ անգամ, այս անգամ մինչեւ մարտի 25-ը, հաղորդում է Reuters գործակալությունը: Լիբանանի խորհրդարանի խոսնակ, ընդդիմության առաջնորդներից Նաբիհ Բերրին երկուշաբթի հայտարարել է, որ Լիբանանի խորհրդարանի նիստը, որի ընթացքում պետք է ընտրվի պետության ղեկավարը, մարտի 11-ից հետաձգվում է մինչեւ մարտի 25-ը: Խոր քաղաքական ճգնաժամով համակված երկրում սա արդեն ընտրությունների օրվա 16-րդ հետաձգումն է` սկսած 2007 թվականի սեպտեմբերի 25-ից: Պետության ղեկավարի պաշտոնը Լիբանանում թափուր է մնում անցած տարվա նոյեմբերի 24-ից:

---