ԻՍՊԱՆԻԱՅԻ ԸՆՏՐՈՒԹՅՈՒՆՆԵՐՈՒՄ ՀԱՂԹԵԼ ԵՆ ՍՈՑԻԱԼԻՍՏՆԵՐԸ
10-03-2008 15:57:00 | Իսպանիա | Միջազգային
ՄԱԴՐԻԴ, 10 ՄԱՐՏԻ, ՆՈՅՅԱՆ ՏԱՊԱՆ: Կիրակի Իսպանիայում կայացած
խորհրդարանական ընտրություններում հաղթել է կառավարող
Սոցիալիստական բանվորական կուսակցությունը (ՍԲԿ), հայտարարել է
երկրի վարչապետ սոցիալիստ Խոսե Լուիս Ռոդրիգես Սապատերոն:
«ՍԲԿ-ն հաղթել է` մեծացնելով իր պատգամավորների թվաքանակը
նախորդ գումարման խորհրդարանի համեմատ»,- հայտարարել է վարչապետը:
Ընտրությունների արդյունքներին համապատասխան, ՍԲԿ-ն
խորհրդարանում ստացել է 168 տեղ (2004 թվականի ընտրություններում`
164 տեղ), նրա հիմնական մրցակիցը` պահպանողական Ժողովրդական
կուսակցությունը ստացել է 154 տեղ: Մնացած տեղերը (ընդամենը
խորհրդարանում 350 տեղ է) բաժանվել են եւս ութ, հիմնականում
տարածաշրջանային կուսակցությունների միջեւ: