ՍԵՐԲԻԱՅԻ ԿԱՌԱՎԱՐՈՒԹՅՈՒՆԸ ՈՐՈՇԵԼ Է ՉԵՂՅԱԼ ԱՆԵԼ ՄՈՒՏՔԻ
ՎԻԶԱՆԵՐԸ ՌՈՒՍԱՍՏԱՆՑԻՆԵՐԻ ՀԱՄԱՐ
07-03-2008 14:35:00 | | Միջազգային
ԲԵԼԳՐԱԴ, 7 ՄԱՐՏԻ, ՆՈՅՅԱՆ ՏԱՊԱՆ: Սերբիայի կառավարությունը
որոշել է չեղյալ անել մուտքի վիզաները ռուսաստանցիների համար:
Սերբիայի նախարարների կաբինետի հաղորդման մեջ տեղեկացվում է,
որ Ռուսաստանի հետ վիզային ռեժիմի վերացման մասին որոշումը
Սերբիայի կառավարությունն ընդունել է մարտի 6-ին: Առայժմ չի
հաղորդվում Սերբիա մուտք գործելու նոր կանոնների ուժի մեջ մտնելու
ժամկետների մասին: Ռուսաստանի քաղաքացիների համար վիզաների
վերացման մասին որոշումը Բելգրադն ընդունել է միակողմանի կարգով,
հաղորդում է «Կոմերսանտ» թերթը:
Փետրվարի 25-ին Սերբիայի վարչապետ Վոիսլավ Կոշտունիցան, որին
Ռուսաստանը սատարել էր Կոսովոյի հարցում, ռուսական ղեկավարությանը
առաջարկել էր քննարկել վիզաները չեղյալ հայտարարելու հարցը: