ԱՄՆ-Ի ՌՕՈՒ ԻՆՔՆԱԹԻՌՆԵՐԸ ՕԴԱՅԻՆ ՀԱՐՁԱԿՈՒՄ ԵՆ ԳՈՐԾԵԼ ՍՈՄԱԼԻԻ
ԱՀԱԲԵԿԻՉՆԵՐԻ ԴԵՄ
03-03-2008 20:30:00 | ԱՄՆ | Միջազգային
ՎԱՇԻՆԳՏՈՆ, 3 ՄԱՐՏԻ, ՆՈՅՅԱՆ ՏԱՊԱՆ: Պենտագոնի
ներկայացուցիչները հաստատում են, որ ԱՄՆ-ի ՌՕՈՒ ինքնաթիռները
Սոմալիում օդային հարձակում են իրականացրել ահաբեկիչների դեմ: Այս
մասին, ինչպես հաղորդում է ԻՏԱՌ-ՏԱՍՍ-ը, հայտնել են ԱՄՆ-ի
պաշտպանության նախարարության աղբյուրներ:
Նախապես հայտնի է դարձել, որ ամերիկյան օդուժը հարված է
հասցրել Սոմալիի իսլամիստների ձեռքում գտնվող Դոբլե բնակավայրին,
որ գտնվում է Քենիայի հետ սահմանին: Ինչպես հայտնել են Սոմալիի
ոստիկանության ներկայացուցիչները եւ տեղի բնակիչները, արձակվել է
երեք հրթիռ, որոնք դիպել են բնակելի տների: Ռմբակոծության
ականատեսների տվյալներով, առնվազն չորս մարդ զոհվել է, ութը`
վիրավորվել: