ԲԱՂԴԱԴ, 3 ՄԱՐՏԻ, ՆՈՅՅԱՆ ՏԱՊԱՆ: Բաղդադում այսօր երկու պայթյուն է որոտացել, որոնց հետեւանքով զոհվել է 23 եւ վիրավորվել մոտ 50 մարդ: Առաջին ահաբեկությունը տեղի է ունեցել Բաղդադի Բաբ ալ-Մուադհամ թաղամասում, որտեղ հօդս է ցնդել պայթուցիկով լցված ավտոմեքենան իրաքյան զինվորական պարեկախմբի մոտակայքում: Երկրորդ պայթյունը որոտացել է Բաղդադի արեւելքում, որտեղ բանակային տեղամաս է մխրճվել պայթուցիկով լցված մահապարտ ահաբեկչի ավտոմեքենան: Ահաբեկչական գործողությունները կատարվել են, չնայած անվտանգության ուժեղացված միջոցներին, որ ձեռնարկվել են իրաքյան մայրաքաղաքում Իրանի նախագահ Մահմուդ Ահմադինեժադի այցի կապակցությամբ:

---