ՄՈՍԿՎԱ, 3 ՄԱՐՏԻ, ՆՈՅՅԱՆ ՏԱՊԱՆ: ՌԴ ԿԸՀ ղեկավար Վլադիմիր Չուրովը Դմիտրի Մեդվեդեւին հայտարարել է մարտի 2-ին անցկացված Ռուսաստանի նախագահական ընտրությունների հաղթող: «Դմիտրի Մեդվեդեւը, որ հավաքել է ձայների 70%-ից ավելին, դառնում է բացարձակ առաջատարը, այս ընտրությունների հաղթող»,- երկուշաբթի մամլո ասուլիսի ժամանակ ասել է Չուրովը: Միեւնույն ժամանակ նա ընդգծել է, որ ընտրությունների արդյունքները կարելի կլինի ամփոփել միայն մարտի 7-ին: ՌԴ նոր նախագահի պաշտոնակալությունը կկայանա մայիսի 7-ին:

---