ԿԱՄԵՐՈՒՆՑԻ ՑՈՒՑԱՐԱՐՆԵՐԸ ՊԱՏԱՆԴ ԵՆ ՎԵՐՑՐԵԼ 2000 ԵՐԵԽԱՆԵՐԻ
29-02-2008 17:35:00 | Կամերուն | Միջազգային
ՅԱՈՒՆԴԵ, 29 ՓԵՏՐՎԱՐԻ, ՆՈՅՅԱՆ ՏԱՊԱՆ: Կամերունցի
ցուցարարները, որոնք բողոքում են երկրի սահմանադրության
փոփոխությունների դեմ, պատանդ են վերցրել 2000-ից ավելի երեխաների:
Դա տեղի է ունեցել Բամենդա քաղաքում, Կամերունի
հյուսիս-արեւմուտքում, հաղորդում է BBC News-ը:
Ցուցարարները նրանց ոչ միայն պատանդ են պահում, այլեւ
օգտագործում են որպես կենդանի վահան ոստիկաններից պաշտպանվելու
համար: Երկրում երկուշաբթի սկսված զանգվածային խժդժությունների
ընթացքում զոհվել է առնվազն 7 մարդ:
Բողոքարարների հիմնական պահանջներից մեկը Կամերունի
սահմանադրության մեջ ուղղումներ մտցնելու կանխարգելումն է, որոնք
թույլ կտան ներկայիս նախագահին նոր ժամկետի համար վերընտրվել 2011
թվականին: