ԻՐԱՔԻ ՆԱԽԱԳԱՀԱԿԱՆ ԽՈՐՀՈՒՐԴԸ ՀԱՍՏԱՏԵԼ Է «ՔԻՄԻԱԿԱՆ ԱԼՈՒ»
ՄԱՀԱՎՃԻՌԸ
29-02-2008 17:32:00 | Իրաք | Միջազգային
ԲԱՂԴԱԴ, 29 ՓԵՏՐՎԱՐԻ, ՆՈՅՅԱՆ ՏԱՊԱՆ: Իրաքի նախագահական
խորհուրդը հաստատել է Սադամ Հուսեյնի ազգական եւ մերձավոր զինակից
Ալի Հասան ալ-Մաջիդի մահավճիռը, որ հայտնի է որպես «Քիմիական Ալի»:
Այս մասին այսօր հաղորդել է Իրաքի հեռուստատեսությունը:
Ալ-Մաջիդը մահապատժի է դատապարտվել անցած դարի 80-ական
թվականների վերջին իրաքցի քրդերի ցեղասպանության համար: Վճիռը
Իրաքի բարձրագույն քրեական տրիբունալը արձակել էր 2007 թվականի
հունիսի 24-ին, սեպտեմբերի 4-ին նրան հավանություն էր տվել
վերաքննիչ դատարանը:
լի Հասան ալ-Մաջիդը անձամբ է ղեկավարել «Ալ-Անֆալ»
գործողությունը, որի ընթացքում 1988 թվականի փետրվարից մինչեւ
սեպտեմբեր ոչնչացվել էր 4,5 հազար քրդական ավան եւ գյուղ: Այդ
արշավի ժամանակ 1988 թվականի մարտին քիմիական զենք էր կիրառվել
Իրանին սահմանամերձ Խալաբջա քաղաքի բնակիչների դեմ, ինչի
հետեւանքով զոհվել էին հինգ հազար քրդեր: Խալաբջայի բնակիչների
ոչնչացումից հետո Ալի Հասան ալ-Մաջիդին ստացել էր «քիմիական Ալի»
մականունը: