ԱՆՀԱՅՏ ԱՆՁԻՆՔ ԴԱՐՖՈՒՐՈՒՄ ՍՊԱՆԵԼ ԵՆ 20 ԽԱՂԱՂ ԲՆԱԿԻՉՆԵՐԻ
29-02-2008 14:43:00 | Սուդան | Միջազգային
ԽԱՐՏՈՒՄ, 29 ՓԵՏՐՎԱՐԻ, ՆՈՅՅԱՆ ՏԱՊԱՆ: Անհայտ անձինք կրակ են
բացել արեւմտյան Սուդանի Դարֆուրի նահանգի գյուղերից մեկում, ինչի
հետեւանքով սպանվել է մոտ 20 խաղաղ բնակիչ, հաղորդում է Reuters
գործակալությունը:
Քաղաքացիական պատերազմը Դարֆուրում, որտեղ կառավարական ուժերը
դիմակայում են ապստամբ բազմաթիվ խմբավորումների, որոնք ձգտում են
հասնել նահանգի ավելի մեծ անկախության, շարունակվում է 2003
թվականի փետրվարից: Անցած ժամանակամիջոցում բախումներից զոհվել են
մոտավորապես 200 հազար մարդ, ավելի քան 2,5 միլիոնը` դարձել
փախստական: