ԲՈՒԼՂԱՐԻԱՆ ԵՎ ԱՄՆ-Ը ՀԱՄԱՁԱՅՆՈՒԹՅԱՆ ԵՆ ԵԿԵԼ ՌԱԶՄԱԿԱՆ
ԲԱԶԱՆԵՐԻ ՎԵՐԱԲԵՐՅԱԼ
29-02-2008 14:41:00 | Բուլղարիա | Միջազգային
ՍՈՖԻԱ, 29 ՓԵՏՐՎԱՐԻ, ՆՈՅՅԱՆ ՏԱՊԱՆ: Բուլղարիան եւ ԱՄՆ-ը
վերջնակապես համաձայնեցրել են երկրի տարածքում ամերիկյան ռազմական
բազաների տեղակայման հարցերը: Այդ առնչությամբ ստորագրվել է 11
համաձայնագիր:
Բուլղարիայում ԱՄՆ-ի դեսպան Ջոն Բայերլին, որը ներկա է եղել
համաձայնագրերի ստորագրման արարողությանը, ճշտել է, որ ամերիկյան
առաջին ստորաբաժանումները պետք է Բուլղարիա ժամանեն արդեն այս
տարվա աշնանը, իսկ մինչ այդ ԱՄՆ-ի տրամադրությանը հատկացված
բազաները կվերակառուցվեն: Մասնավորապես Նովո Սելոյի շրջանում
բազայի նախապատրաստման համար ԱՄՆ-ի Կոնգրեսը արդեն հատկացրել է 60
մլն դոլար, հաղորդում է ԻՏԱՌ-ՏԱՍՍ-ը: