ՋՈՐՋ ԲՈՒՇ. ՌՈՒՍԱՍՏԱՆԸ ԱՇԽԱՐՀԻ ՀԱՄԱՐ ՍՊԱՌՆԱԼԻՔ ՉԻ
ՆԵՐԿԱՅԱՑՆՈՒՄ
28-02-2008 18:51:00 | ԱՄՆ | Միջազգային
ՎԱՇԻՆԳՏՈՆ, 28 ՓԵՏՐՎԱՐԻ, ՆՈՅՅԱՆ ՏԱՊԱՆ: ԱՄՆ-ի նախագահ Ջորջ
Բուշի կարծիքով, աշխարհի համար Ռուսաստանը սպառնալիք չի
ներկայացնում: Այս մասին, ինչպես հաղորդում է «Նովոստի»
գործակալությունը, նա հայտարարել է Սպիտակ տանը Չեխիայի վարչապետ
Միրեկ Տոպոլանեկի հետ բանակցությունների ավարտից հետո:
«Աշխարհի համար սպառնալիք են այն ռեժիմները, որոնք
ծայրահեղական գաղափարախոսության են հետեւում եւ կարող են օժտված
լինել տեխնոլոգիաներով մեր դեմ, ով ազատություն է սիրում,
(հրթիռների) արձակման համար»,- հայտարարել է ԱՄՆ-ի նախագահը:
Նա ընդգծել է, որ ԱՄՆ-ն ու Չեխիան հաստատապես մտադիր են
ավարտել աշխատանքը` կապված չեխական տարածքում ամերիկյան ՀՀՊ ռադարի
տեղակայման մասին համաձայնագրի հետ: Ջորջ Բուշը կրկնել է նաեւ, որ
ՀՀՊ համակարգը ուղղված չէ Ռուսաստանի դեմ: