ՏԻՄՈՇԵՆԿՈՆ ՀԻՎԱՆԴՈՒԹՅԱՆ ՍՐՄԱՆ ՊԱՏՃԱՌՈՎ ՏԵՂԱՓՈԽՎԵԼ Է
ՀԻՎԱՆԴԱՆՈՑ
28-02-2008 17:52:00 | Ուկրաինա | Միջազգային
ԿԻԵՎ, 28 ՓԵՏՐՎԱՐԻ, ՆՈՅՅԱՆ ՏԱՊԱՆ: Ուկրաինայի վարչապետ Յուլյա
Տիմոշենկոն հիվանդության սրման պատճառով հոսպիտալացվել է: Այս
մասին հայտնել է Ուկրաինայի առաջին փոխվարչապետ Ալեքսանդր
Տուրչինովը: Կանխավ Տիմոշենկոյի մոտ գրիպ էին ախտորոշել:
Չորեքշաբթի Տիմոշենկոն չի մասնակցել կառավարության նիստին:
Երկրի վարչապետի հիվանդության մասին հաղորդումներ առաջին անգամ չեն
ստացվում: Հունվարի կեսին անգինայի պատճառով նա ներկա չէր գտնվել
ԱԽ-ի նիստին, որի ընթացքում քննարկվում էին հողային հարցերը:
Այնուհետեւ Տիմոշենկոն նույն այդ պատճառով չկարողացավ մասնակցել
Վրաստանի նախագահի պաշտոնակալման արարողությանը: Նրա փոխարեն
Թբիլիսի մեկնեց փոխվարչապետ Գրիգորի Նեմիրյան: