ՊՐԻՇՏԻՆԱ, 28 ՓԵՏՐՎԱՐԻ, ՆՈՅՅԱՆ ՏԱՊԱՆ: Գերմանիան Կոսովոյում դեսպանատուն բացած առաջին պետությունն է դարձել, հաղորդում են Պրիշտինայի լրատվական գործակալությունները: Նրանց տվյալներով, մոտ ժամանակները սպասվում է նաեւ գերմանական առաջին դեսպանի նշանակումը ինքնահռչակ հանրապետությունում: Ինչպես հայտարարել է Կոսովոյում ԳԴՀ-ի գործերի ժամանակավոր հավատարմատար Կարլ Վոկալեկը, «մեր երկրների միջեւ դիվանագիտական հարաբերությունները հաստատվել են փետրվարի 21-ին նոտաներ փոխանակելու ուղիով»: «Մենք օգնել եւ օգնելու ենք Կոսովոյին: Այստեղ մենք ներկա ենք ոչ միայն որպես պետություն, այլ նաեւ որպես Եվրամիության մաս»,- նշել է գերմանացի դիվանագետը:

---