ԲԱՐԱՔ ՕԲԱՄԱՅԻ ԵՎ ՀԻԼԱՐԻ ՔԼԻՆԹՈՆԻ ԿԱՐԾԻՔՈՎ, ՌԴ ՆՈՐ ՆԱԽԱԳԱՀԻ
ՓՈԽԱՐԵՆ ՈՐՈՇՈՒՄՆԵՐ ԿԸՆԴՈՒՆԻ ՊՈՒՏԻՆԸ
27-02-2008 16:40:00 | ԱՄՆ | Միջազգային
ՎԱՇԻՆԳՏՈՆ, 27 ՓԵՏՐՎԱՐԻ, ՆՈՅՅԱՆ ՏԱՊԱՆ: Դեմոկրատական
կուսակցությունից ԱՄՆ-ի նախագահի երկու թեկնածուները` սենատորներ
Հիլարի Քլինթոնը եւ Բարաք Օբաման, նախընտրական հեռուստատեսային
բանավեճի ժամանակ հայտարարել են, որ ՌԴ նախագահի պաշտոնից
հեռանալուց հետո Վլադիմիր Պուտինը նախկինի պես վիթխարի
ազդեցություն կգործի Ռուսաստանի քաղաքական գործընթացների վրա,
հաղորդում է «Նովոստի» գործակալությունը:
«Ես կասկածներ չունեմ, որ թեպետեւ հանդիպումներ կլինեն
նախագահ կոչվող մարդու հետ, որոշումները կընդունվեն Պուտինի
կողմից»,- հայտարարել է Քլինթոնը:
«Նա այն մարդն է, ում, ակնհայտորեն, նշանակում է Պուտինը եւ
ում Պուտինը կարող է վերահսկել»,- ավելացրել է նա:
«Ես կարծում եմ, սենատոր Քլինթոնը նրա մասին (Մեդվեդեւի) ճիշտ
է ասում` նա այն մարդն է, ում անձամբ ընտրել է Պուտինը, եւ Պուտինը
միանգամայն պարզորոշ հայտարարում է, որ նա կշարունակի մնալ
ամենաուժեղ ձեռքը Ռուսաստանում կառավարության ղեկավարման
տեսանկյունից»,- հայտարարել է Օբաման: