ՑՐՏԵՐԻՆ ԱՖՂԱՆՍՏԱՆՈՒՄ ԶՈՀ Է ԳՆԱՑԵԼ ԱՎԵԼԻ ՔԱՆ 1100 ՄԱՐԴ
20-02-2008 20:30:00 | Աֆղանստան | Միջազգային
ՔԱԲՈՒԼ, 20 ՓԵՏՐՎԱՐԻ, ՆՈՅՅԱՆ ՏԱՊԱՆ: Ըստ Աֆղանստանի արտակարգ
իրավիճակների դեմ պայքարի վարչության պետ Աբդուլա Մատին Ադրակի,
Աֆղանստանում ցրտերի զոհ է դարձել ավելի քան 1100 մարդ:
Ըստ Ադրակի, ձյան տեղումների եւ անսովոր սառնամանիքների
ժամանակ, որ Աֆղանստանում սկսվել են դեկտեմբերի վերջին, 980 տուն է
ավերվել:
Մի շարք նահանգներում սառնամանիքները չեն թուլանում: Շատ
մարդիկ ապրում են վրաններում եւ շարունակում են տառապել ցրտից:
«Որոշ միջազգային եւ ազգային կազմակերպություններ օգնություն
են ցուցաբերում աղետի մեջ գտնվող մարդկանց, սակայն դա ակնհայտորեն
բավարար չէ»,- ընդգծել է Ադրակը: