ՄՈՍԿՎԱ, 20 ՓԵՏՐՎԱՐԻ, ՆՈՅՅԱՆ ՏԱՊԱՆ: Եվրամիությունը, «շարունակելով առաջնորդվել կոսովյան խնդրի լուծման միակողմանի սցենարով, գործում է ի վնաս կայունության Բալկաններում եւ Եվրոպայում, խրախուսում անջատողականությունը աշխարհում»: Այս մասին, ինչպես հաղորդում է ԻՏԱՌ-ՏԱՍՍ-ը, հայտարարել է ՌԴ ԱԳՆ պաշտոնական ներկայացուցիչ Միխայիլ Կամինինը: «Ռուսաստանը նախկինի պես միանգամայն համոզված է, որ Կոսովոյի կարգավիճակի խնդիրը կարող է եւ պետք է կարգավորվի հուսալի եւ երկարաժամկետ ձեւով ՄԱԿ-ի Անվտանգության խորհրդի առաջատար դերակատարմամբ փոխզիջումային լուծման մշակման ուղիով»,- ընդգծել է նա:

---