ԲԱՂԴԱԴ, 20 ՓԵՏՐՎԱՐԻ, ՆՈՅՅԱՆ ՏԱՊԱՆ: Տասնհինգ մարդ զոհվել է, 27-ը վիրավորվել այսօր Բաղդադում ականապատված ավտոմեքենայի պայթյունի հետեւանքով: Ըստ ոստիկանության տվյալների, պայթուցիկով լցված բեռնատարը հօդս է ցնդել մայրաքաղաքի հարավ-արեւելքում Իրաքի անվտանգության ուժերի ներկայացուցիչների կողմից նրա ստուգման պահին: Այսօր օրվա ընթացքում ուժային կառույցները հետապնդել են բեռնատար մեքենա, որից ավելի վաղ ականանետներից համազարկային կրակի կայանքից գնդակոծվել էր ամերիկյան ռազմական բազան: Ավելի ուշ նրանք ավտոմեքենան գտել են լքված, որի մեջ զինված մարդիկ չեն եղել: Երբ ոստիկանները սկսել են զննել այն, պայթյուն է տեղի ունեցել:

---