ԲԵԼԳՐԱԴ, 19 ՓԵՏՐՎԱՐԻ, ՆՈՅՅԱՆ ՏԱՊԱՆ: Սերբիայի արտաքին գործերի նախարար Վուկ Երեմիչը շտապ կարգով հրահանգել է ետ կանչել դեսպաններին այն երկրներից, որոնք ճանաչել են Կոսովոյի անկախությունը, հաղորդել է Սերբիայի ԱԳՆ-ն: Դիվանագիտական ներկայացուցչությունների ղեկավարները այդ երկրները պետք է լքեն Սերբիայի ԱԳՆ բողոքի նոտաների հանձնումից հետո 48 ժամվա ընթացքում եւ ժամանեն Բելգրադ խորհրդակցության, ասվում է հաղորդման մեջ: Սերբիայի խորհրդարանում ելույթի ժամանակ կառավարության ղեկավար Վոիսլավ Կոշտունիցան ասել է, որ «դա կառավարության առաջին քայլն է, որ կարվի բոլոր այն երկրների նկատմամբ, որոնք կճանաչեն Կոսովոյի միակողմանի անկախությունը»:

---