ՄԵՐՁԴՆԵՍՏՐԸ ՇՈՒՏԱՓՈՒՅԹ ՃԱՆԱՉՈՒՄ Է ՊԱՀԱՆՋՈՒՄ ՄԻՋԱԶԳԱՅԻՆ
ՀԱՆՐՈՒԹՅՈՒՆԻՑ
19-02-2008 19:32:00 | Մոլդովա | Միջազգային
ՏԻՐԱՍՊՈԼ, 19 ՓԵՏՐՎԱՐԻ, ՆՈՅՅԱՆ ՏԱՊԱՆ: Մերձդնեստրի ԱԳՆ-ն
երեքշաբթի տարածել է հայտարարություն, որով պահանջում է Կոսովոյի
նման հանրապետության շուտափույթ միջազգային ճանաչում:
«Կոսովոյի անկախության հռչակումը եւ այնուհետեւ ճանաչումը
սկզբունքային նշանակություն ունեն, քանի որ ստեղծում են
հակամարտությունների կարգավորման նոր մոդել, հիմնված ժողովրդի
ինքնորոշման իրավունքի առաջնայնության վրա»,- ասվում է չճանաչված
Մերձդնեստրի Մոլդավական Հանրապետության ԱԳՆ հայտարարության մեջ:
Մերձդնեստրում համոզված են, որ տվյալ մոդելը պետք է կիրառվի
բոլոր հակամարտությունների նկատմամբ, որոնք նման քաղաքական,
իրավական եւ տնտեսական հիմքեր ունեն: