ԱՄՆ-Ը ՉԻ ՍՏՈՐԱԳՐԻ ՏԻԵԶԵՐՔԻ ԱՊԱՌԱԶՄԱԿԱՆԱՑՄԱՆ ՊԱՅՄԱՆԱԳԻՐԸ
13-02-2008 18:05:00 | ԱՄՆ | Միջազգային
ՎԱՇԻՆԳՏՈՆ, 13 ՓԵՏՐՎԱՐԻ, ՆՈՅՅԱՆ ՏԱՊԱՆ: Փետրվարի 12-ին Սպիտակ
տունը մերժել է տիեզերքում զենքի տեղաբաշխումը կանխարգելելու մասին
պայմանագրի ստորագրման ռուսական առաջարկությունը, հաղորդում է
«Ֆրանսպրես» գործակալությունը:
ԱՄՆ-ի կառավարությունը առարկում է նոր բանաձեւերի եւ այլ
իրավաբանական սահմանափակումների ընդունման դեմ, որոնք հանգեցնում
են տիեզերական տարածության օգտագործման սահմանափակման:
Ժնեւում զինաթափման հարցերին նվիրված ՄԱԿ-ի համաժողովի
շրջանակում լրագրողների հետ հանդիպման ժամանակ ՌԴ ԱԳՆ ղեկավար
Սերգեյ Լավրովը հայտարարել է, որ Ռուսաստանը հույս ունի համոզել
ԱՄՆ-ին տիեզերքում զենքի տեղաբաշխում թույլ չտալու անհրաժեշտության
հարցում: