ՎԱՇԻՆԳՏՈՆ, 8 ՓԵՏՐՎԱՐԻ, ՆՈՅՅԱՆ ՏԱՊԱՆ: Վեց մարդ է զոհվել հինգշաբթի երեկոյան ամերիկյան Միսսուրի նահանգի Կիրկվուդ քաղաքի քաղաքային խորհրդի շենքում փոխհրաձգության հետեւանքով: Այս մասին հայտնել են քաղաքի ոստիկանության ներկայացուցիչները: Ըստ տեղեկությունների, զինված անձը գնդակահարել է երկու ոստիկանների եւ քաղխորհրդի նիստի երեք մասնակիցների: Հետո ինքն էլ սպանվել է դեպքի վայր ժամանած ոստիկանների կողմից: Նշվում է նաեւ, որ հանցագործը ցանկացել է սպանել ավանի քաղաքապետին: Դեպքի պատճառները առայժմ չեն հաղորդվում:

---