ԹԵԼ-ԱՎԻՎ, 8 ՓԵՏՐՎԱՐԻ, ՆՈՅՅԱՆ ՏԱՊԱՆ: Իսրայելը կրճատել է էլեկտրականության մատակարարումները Գազայի հատված: Այս մասին, ինչպես հաղորդում է Associated Press-ը, հայտնել է Իսրայելի պաշտպանության նախարարության ներկայացուցիչ Շլոմո Դրորը: Ըստ նրա, այդ միջոցառումը Գազայի հատվածի վրա տնտեսական ճնշում գործադրելու Իսրայելի ծրագրի մի մասն է` ի լրումն ռազմական գործողությունների պաղեստինյան գրոհայինների դեմ: Իսրայելը ծրագրում է 5%-ով կրճատել էլեկտրականության մատակարարումները Գազայի հատված, ինչպես նաեւ նվազեցնել վառելիքի եւ որոշ պարենային ապրանքների մատակարարումները:

---