ՌՈՒՍԱՍՏԱՆԸ ԵՎ ԱՄՆ-Ը ԾՐԱԳՐՈՒՄ ԵՆ ՄԻՋՈՒԿԱՅԻՆ ՎԱՌԵԼԻՔԸ ԴՈՒՐՍ
ԲԵՐԵԼ ԵՐՐՈՐԴ ԵՐԿՐՆԵՐԻՑ
07-02-2008 18:00:00 | ԱՄՆ | Միջազգային
ՎԱՇԻՆԳՏՈՆ, 7 ՓԵՏՐՎԱՐԻ, ՆՈՅՅԱՆ ՏԱՊԱՆ: ԱՄՆ-ը եւ Ռուսաստանը
ծրագրում են երկկողմ պայմանավորվածությունների շրջանակում մինչեւ
2010 թվականի վերջը բոլոր երրորդ երկրներից դուրս բերել խորհրդային
արտադրության բարձր հարստացված ուրանը, «որոնք այն պահում են
ռեակտորի ակտիվ գոտուց դուրս»: Այս մասին ասվում է ԱՄՆ-ի
էներգետիկայի նախարար Սեմյուել Բոդմանի ողջույնի խոսքի տեքստում,
որ պատրաստվել է ԱՄՆ-ի Կոնգրեսի Սենատում ունկնդրումների ժամանակ
իր ելույթի համար, հաղորդում է ԻՏԱՌ-ՏԱՍՍ-ը:
Մոսկվան եւ Վաշինգտոնը վերադարձնում են իրենց արտադրած բարձր
հարստացված միջուկային վառելիքը, որ նախկինում մատակարարվել է
երրորդ երկրներ հետազոտական նպատակներով` ռուս-ամերիկյան
միջկառավարական համաձայնագրին համապատասխան: Այն կնքվել է 2005
թվականին Բրատիսլավայում Ռուսաստանի եւ ԱՄՆ-ի նախագահների`
Վլադիմիր Պուտինի եւ Ջորջ Բուշի հանդիպման ժամանակ: Ներկա
դրությամբ ընդամենը Ռուսաստան է վերադարձվել խորհրդային
արտադրության գրեթե 590 կգ բարձր հարստացված ուրան: Իսկ ԱՄՆ-ը
վերադարձրել է 1140 կգ բարձր հարստացված ուրան: