ՔԱԲՈՒԼ, 7 ՓԵՏՐՎԱՐԻ, ՆՈՅՅԱՆ ՏԱՊԱՆ: ԱՄՆ-ի պետքարտուղար Կոնդոլիզա Ռայսը եւ Մեծ Բրիտանիայի արտաքին գործերի նախարար Դեյվիդ Միլիբենդը այսօր միասին անակնկալ այցով ժամանել են Քաբուլ: Ինչպես հայտնել է Ռայսը, սպասվում են հանդիպումներ նախագահ Համիդ Կարզայի եւ աֆղան այլ պաշտոնական անձանց հետ: Այցի նպատակն է համատեղ աջակցություն հայտնել Կարզային եւ միաժամանակ նրան հասկացնել, որ իր կառավարությանը հարկ է նաեւ էլ ավելի վճռականորեն դիմակայել թալիբներին եւ առաջ տանել բարեփոխումները:

---