ՎԱՇԻՆԳՏՈՆ, 30 ՀՈՒՆՎԱՐԻ, ՆՈՅՅԱՆ ՏԱՊԱՆ: Հյուսիսային Կարոլինայից նախկին սենատոր Ջոն Էդվարդսը դուրս է գալիս Դեմոկրատական կուսակցությունից ԱՄՆ-ի նախագահի պաշտոնի թեկնածու առաջադրվելու պայքարից: Այս մասին հաղորդում է ԻՏԱՌ-ՏԱՍՍ-ը` վկայակոչելով «Ֆոքս» եւ Էմ-Էս-Էն-Բի-Սի հեռուստաընկերությունները: Այսպիսով, Միացյալ Նահանգների ղեկավարի պաշտոնի համար պայքարը Դեմոկրատական կուսակցության շարքերում շարունակում են սենատորներ Հիլարի Քլինթոնը եւ Բարաք Օբաման:

---