ՆԱՅՐՈԲԻ, 29 ՀՈՒՆՎԱՐԻ, ՆՈՅՅԱՆ ՏԱՊԱՆ: Քենիական ընդդիմության
պատգամավոր Մելիտուս Վերեն երեքշաբթի սպանվել է իր տանը Քենիայում,
հաղորդում է «Նովոստի» գործակալությունը:
Առայժմ պարզ չէ, թե սպանությունն արդյոք քաղաքական
շարժառիթներ ունի, սկսվել է հետաքննություն:
Ճգնաժամը Քենիայում սկսվել է ընտրություններից հետո, որոնց
ընթացքում հաղթանակ էր տարել գործող նախագահ Մվայի Կիբակին:
Ընդդիմությունը պահանջում է նախագահի հրաժարականը` անարդար
համարելով ընտրությունները: Երկրում սկսված անկարգությունների
հետեւանքով զոհվել է ավելի քան 800 մարդ: