ՀՌՈՄ, 25 ՀՈՒՆՎԱՐԻ, ՆՈՅՅԱՆ ՏԱՊԱՆ: Հինգշաբթի երեկոյան Իտալիայի վարչապետ Ռոմանո Պրոդին հրաժարականի պաշտոնական դիմում է ներկայացրել երկրի նախագահ Ջորջո Նապոլիտանոյին, հաղորդում է «Ֆրանսպրեսը»: Պրոդին կառավարության ղեկավարի պաշտոնը թողնելու վճիռ է ընդունել այն բանից հետո, երբ հինգշաբթի ավելի վաղ տանուլ է տվել Սենատում իր նախարարների կաբինետին վստահության քվեարկությունը: Հունվարի 23-ին խորհրդարանի ստորին պալատի պատգամավորները, որտեղ կառավարական կոալիցիան մեծամասնություն է կազմում, սատարել էին Պրոդիին: Սակայն վերին պալատի պատգամավորները, որտեղ կառավարական կոալիցիան նախարարների կաբինետի կազմից «Ժողովրդավարների դաշինք Եվրոպայի համար» կուսակցության ղեկավար Կլեմենտե Մաստելլայի դուրս գալուց հետո կորցրել է մեծամասնությունը, հրաժարվել են Պրոդիին աջակցելուց:

---