ՍԵՐԲԻԱՆ ՊԱՏՐԱՍՏ Է ՓՈԽԶԻՋՈՒՄՆԵՐԻ ԿՈՍՈՎՈՅԻ ՀԱՐՑՈՒՄ, ԵԹԵ
ԳՈՐԾԸՆԹԱՑԸ ԱՆՑՆԻ ՄԱԿ-ՈՎ
25-01-2008 18:40:00 | | Միջազգային
ԲԵԼԳՐԱԴ, 25 ՀՈՒՆՎԱՐԻ, ՆՈՅՅԱՆ ՏԱՊԱՆ: Սերբիան պատրաստ է
փոխզիջումների, բայց միայն եթե գործընթացը կայանա ՄԱԿ-ի
Անվտանգության խորհրդի միջոցով: Այս մասին հայտարարել է Սերբիայի
նախագահ Բորիս Տադիչը: Նա նաեւ հավաստել է, որ Բելգրադը չի
հրաժարվի իր տարածքային ամբողջականությունը պաշտպանելուց:
«Սերբիան երբեք չի հրաժարվի Կոսովոյի եւ Մետոխիայի նկատմամբ
իր օրինական իրավունքից,- վերահաստատել է նա սերբական
ղեկավարության դիրքորոշումը:- Սերբիան երբեք չի հրաժարվի իր
տարածքային ամբողջականության պաշտպանությունից խաղաղության
քաղաքականության, դիվանագիտության քաղաքականության, փոխըմբռնման
մշակման քաղաքականության միջոցով»:
«Սերբիան այսօր էլ պատրաստ է փոխզիջման հասնել Կոսովոյի ապագա
կարգավիճակի հարցում, սակայն հետեւողականորեն մնում է այն
դիրքորոշմանը, որ ողջ գործընթացը, որով հստակեցվում է Կոսովոյի եւ
Մետոխիայի կարգավիճակը, պետք է իրականացվի Միավորված ազգերի
կազմակերպության Անվտանգության խորհրդի ինստիտուտների միջոցով»,-
նկատել է նա: «Դա վերաբերում է եւ բոլոր «միջազգային»
առաքելությունների ապագա կարգավիճակին, որոնք կարող են գործուղվել
Կոսովո եւ Մետոխիա խաղաղարարական գործողության նպատակով»,- ասել է
Տադիչը: