ՊՐԻՇՏԻՆԱ, 21 ՀՈՒՆՎԱՐԻ, ՆՈՅՅԱՆ ՏԱՊԱՆ: Սերբական Կոսովո երկրամասի մայրաքաղաք Պրիշտինայում կիրակի երեկոյան տեղի ունեցած պայթյունի հետեւանքով թեթեւ վնասվածքներ են ստացել մի քանի մարդ: Պայթյունը տեղի է ունեցել Դրագոդան էլիտար թաղամասում, որտեղ ապրում են, այդ թվում, դիվանագիտական առաքելությունների աշխատողները: Ըստ ոստիկանական աղբյուրների, ավերածություններ չեն գրանցվել: Միջադեպի պատճառները պարզվում են:

---