ԹԵԼ ԱՎԻՎ, 17 ՀՈՒՆՎԱՐԻ, ՆՈՅՅԱՆ ՏԱՊԱՆ: Թել Ավիվի դատարանը իսրայելական բանակի մայոր, զինվորական բժիշկ-հոգեբույժ Դավիթ Շամիրին ճանաչել է մեղավոր Իրանին գաղտնի տեղեկություններ վաճառելու փորձի մեջ եւ նրան դատապարտել հինգ տարվա բանտարկության, հաղորդում է Reuters-ը: Մայորը պատրաստվում էր տեղեկություններ վաճառել արտակարգ իրավիճակներում Իսրայելի բանակի բժշկական ծառայության գործողությունների եւ հրամանատարական կենտրոնների տեղադրության մասին: Քննության տվյալներով, Շամիրը շփման մեջ է մտել Իրանի ԱԳՆ-ի հետ եւ տնային ֆաքսի միջոցով իր ծառայություններն առաջարկել իրանական հյուպատոսությանը:

---