ՄՈՍԿՎԱ, 17 ՀՈՒՆՎԱՐԻ, ՆՈՅՅԱՆ ՏԱՊԱՆ: Ռուսաստանի նախագահ Վլադիմիր Պուտինը համոզված է, որ կոսովյան խնդրի լուծումը պետք է արժանանա հակամարտության երկու կողմերի հավանությանը եւ նախադեպ դառնա միջազգային պրակտիկայում, հաղորդում է ԻՏԱՌ-ՏԱՍՍ-ը: «Այստեղ մեր դիրքորոշումը առավելագույնս պարզ է` Կոսովոյի վերաբերյալ ցանկացած որոշում պետք է արժանանա երկու կողմերի հավանությանը»,- հաստատել է Պուտինը: Սակայն Ռուսաստանի առաջնորդը նախազգուշացրել է. «Նույնպես պարզ է եւ այն, որ Կոսովոյի վերաբերյալ ցանկացած որոշում նախադեպային է միջազգային պրակտիկայի համար»: Ռուսաստանի նախագահի կարծիքով, «միայն մեկմեկու դիրքորոշումները հաշվի առնելու, անցյալի կարծրատիպերից, որոնք, ինչպես ցույց է տալիս փորձը, աշխատում են բաժանարար գծերի վերարտադրությանը, հրաժարվելու ճանապարհով մենք միասին կարող ենք հասնել խաղաղության եւ բարգավաճման»:

---